Mae mynediad uniongyrchol i Barc Felindre o Gyffordd 46 yr M4 ac mae ffordd fynediad gylchol yn ei wasanaethu. Mae’r Parc wedi'i dirlunio i safon uchel ac mae digon o le parcio wedi'i gysylltu'n uniongyrchol â phob llain. Mae lleiniau ar gael ar unwaith. Mae'r safle’n hyblyg ac yn ddelfrydol ar gyfer busnesau sy'n ehangu a mewnfuddsoddiad mawr.
Mae cynllun y parc busnes yn darparu lleiniau o feintiau amrywiol ac mae digon o le i barcio ceir, gan roi dewis i ddatblygwyr a deiliaid parthed eu gofynion presennol a’u gofynion yn y dyfodol. Mae Parc Felindre yn barc busnes sy'n canolbwyntio ar ddiwydiannau sy'n dod i'r amlwg, megis diwydiannau gweithgynhyrchu uwch-dechnoleg a diwydiannau defnydd lefel uchel, ynghyd â diwydiannau defnydd ategol pan y byddant yn gyflenwol.
Gellir darparu arwynebedd llawr posibl o hyd at 80,065 metr sgwâr (862,000 troedfedd sgwâr) ar 16 hectar (40 erw) net, yn ymestyn i 43 hectar (106 erw) i gyd. O fewn yr arwynedd hwn, mae hyd at 16 hectar (39.5 erw) o dir cyflogaeth ar gael mewn 12 o leiniau sydd â gwasanaethau llawn ac mae’r rhain yn amrywio o ran maint o 0.5 i 2 hectar (1.2 i 4.9 erw).
Mae'r safle gerllaw Is-orsaf Gogledd Abertawe, gan ddarparu mynediad helaeth i'r Grid Trydan.
Mae’r parc busnes wedi’i ddyrannu ar gyfer defnydd B1 a B2 o fewn dynodiad cwmpas y parc.
Gofod masnachol addas ar gyfer swyddfeydd, ymchwil a datblygu ac ati, yn cael ei ddatblygu ar hyn o bryd.
Dyma gyfle anhygoel i ddod yn berchen neu i osod eiddo ar ran fwyaf newydd Ystad Ddiwydiannol Honeyborough, Neyland, Sir Benfro.
Canolfan Arloesedd y Bont yw’r prif leoliad ar gyfer ysgogi arloesedd mewn busnesau yn Sir Benfro.
Mae’r Porthladd Rhydd Celtaidd ar agor i fusnes a bydd yn darparu llwybr carlam ar gyfer economi sero net Cymru, gan gynhyrchu dros 16,000 o swyddi newydd, gwyrdd a hyd at £5.5 biliwn o fuddsoddiad newydd.
Mae Canolfan Arloesi Bae Baglan wedi'i lleoli ym Mharc Ynni Baglan ym Mhort Talbot. Dyma gyfleuster blaenllaw sydd wedi'i gynllunio i feithrin arloesedd ar draws amrywiol sectorau, gan gynnwys ynni, digidol, gwyddorau bywyd ac ymchwil a datblygu. Mae'r ganolfan fodern hon yn darparu amgylchedd delfrydol ar gyfer ffyniant busnesau uwch-dechnoleg a chynaliadwy.
Gofod swyddfa fasnachol i'w osod. Bydd adeilad sy’n cynnwys swyddfeydd ar dri llawr yn darparu gweithle llawn cymeriad, sydd wedi'i gynllunio i ansawdd uchel ar gyfer diwallu anghenion busnesau bach a chanolig yr 21ain Ganrif mewn economi Dinas. Bydd y gofod swyddfa hwn, y gellir ei rannu’n is-adrannau, yn galluogi busnesau i sefydlu lleoliad allweddol yng nghanol y ddinas. Mae’n cynnwys, technoleg o'r radd flaenaf, platiau llawr mawr sy’n hyblyg, teras to bywiog a dau bod cyfarfod ar y to sydd â golygfeydd panoramig dros ganol y ddinas. Hefyd mae’r dderbynfa foethus ar y llawr gwaelod yn cynnwys seddi cymunedol, cyfleusterau cawod a newid, mannau gwisgo sy’n cynnwys sychwyr a sythwyr gwallt, a storfa feiciau ddiogel ar y safle yng nghefn yr adeilad.
Bydd unedau manwerthu'r llawr gwaelod yn rai y gellir eu haddasu.