Cwm Gwyrdd Nantycaws

Mae Cwm Gwyrdd Nantycaws yn safle o 84 o hectarau, wedi'i leoli ar hyd yr A48, dim ond 15 munud o'r M4, hefyd ar y prif lwybr trafnidiaeth o ddiwydiant ynni a phorthladdoedd Gorllewin Cymru, gan gynnwys Aberdaugleddau, Abergwaun a Doc Penfro, gan gynnig cyfleoedd ar gyfer mewnforio, allforio a defnydd carbon isel o longau.
Mae'r weledigaeth ar gyfer CWM Gwyrdd Nant-y-caws yn cynnwys newid mawr tuag at ynni adnewyddadwy glân, a fydd yn cynnwys ynni solar, ar y cyd â storio batris, yn creu safle cwbl hunangynhaliol. Mae’r prosiect yn hefyd archwilio dechnolegau newydd yn cynnwys rôl ynni hydrogen yn ein rhaglen ynni adnewyddadwy ehangach. Bydd Cyfleuster Adfer Adnoddau (RRF) newydd o'r radd flaenaf, a fydd yn agor yng ngaeaf 2025, yn cynyddu'n helaeth allu'r rhanbarth i ddidoli a chynhyrchu nwyddau o safon. Bydd ardal Gweithgynhyrchu Economi Gylchol newydd yn creu nwyddau newydd o ddeunyddiau wedi'u hadfer. Bydd hon yn Ganolfan Ragoriaeth ar gyfer arloesi a gweithgynhyrchu'r economi werdd, gan gynhyrchu nwyddau newydd o ddeunyddiau gwastraff. Bydd Parc Busnes penodol i'r Diwydiant Ysgafn yn cael ei ddatblygu i gwrdd â'r diffyg cyflenwad presennol ar draws De Orllewin Cymru. Bydd y parc arfaethedig yn cynnwys rhwydwaith gwefru cerbydau trydan ar raddfa fawr sydd wedi'i gynllunio i gefnogi fflydoedd masnachol a defnyddwyr cerbydau trydan cyhoeddus. Partneriaethau i'w ffurfio gyda Phrifysgol Abertawe, Prifysgol Caerdydd a sefydliadau tebyg eraill, i sefydlu canolfan Ymchwil a Datblygu pwrpasol sy'n canolbwyntio ar wella arloesedd yr economi gylchol. Bydd y man hwn yn cefnogi ymchwilio ar y cyd i ailddefnyddio deunyddiau, technolegau carbon isel, a dylunio cynaliadwy.