Gofod swyddfa fasnachol i'w osod. Bydd adeilad sy’n cynnwys swyddfeydd ar dri llawr yn darparu gweithle llawn cymeriad, sydd wedi'i gynllunio i ansawdd uchel ar gyfer diwallu anghenion busnesau bach a chanolig yr 21ain Ganrif mewn economi Dinas. Bydd y gofod swyddfa hwn, y gellir ei rannu’n is-adrannau, yn galluogi busnesau i sefydlu lleoliad allweddol yng nghanol y ddinas. Mae’n cynnwys, technoleg o'r radd flaenaf, platiau llawr mawr sy’n hyblyg, teras to bywiog a dau bod cyfarfod ar y to sydd â golygfeydd panoramig dros ganol y ddinas. Hefyd mae’r dderbynfa foethus ar y llawr gwaelod yn cynnwys seddi cymunedol, cyfleusterau cawod a newid, mannau gwisgo sy’n cynnwys sychwyr a sythwyr gwallt, a storfa feiciau ddiogel ar y safle yng nghefn yr adeilad.
Bydd unedau manwerthu'r llawr gwaelod yn rai y gellir eu haddasu ac yn hyblyg, er mwyn gweddu â gofynion tenantiaid a chefnogi twf busnes organig. Bydd y pympiau gwres ffynhonnell aer yn rai effeithlon iawn a byddant wedi'u cynllunio i fod yn 'gwbl-drydanol', er mwyn negyddu'r ddibyniaeth ar danwydd ffosil, gan ostwng ôl troed carbon hirdymor yr adeilad.
Mae’r adeilad hwn o fewn cyrraedd hawdd i amryw o gysylltiadau trafnidiaeth ac mae wedi'i leoli dim ond 5 munud o waith cerdded o'r Gorsafoedd Rheilffordd a Bysiau.
Mae datblygiad Gogledd Stryd y Farchnad yn Llanelli yn brosiect allweddol arall sydd â'r nod o adfywio canol y dref. Gobeithir cwblhau y gwaith ar y datblygiad hwn erbyn mis Rhagfyr 2025 a bydd yn darparu pum uned fasnachol ar y llawr gwaelod a deg fflat sydd â dwy ystafell wely.
Menter economi werdd arloesol yw CWM Gwyrdd Nant-y-caws sydd yn adeiladu ar gryfderau presennol mewn adfer adnoddau, ynni adnewyddadwy a bioamrywiaeth, tra'n creu lle newydd ar gyfer mentrau carbon isel ac adfer amgylcheddol.
Mae Trecwn wedi ei leoli tua 3 milltir i'r de o Abergwaun yng Ngogledd Sir Benfro. Roedd y safle yn arfer bod yn storfan ar gyfer Arfau'r Llynges Frenhinol ac mae’n ymestyn dros 1000 o erwau a gellir ei gyrraedd ar hyd ffordd breifat oddi ar yr A40.
Mae’r Porthladd Rhydd Celtaidd ar agor i fusnes a bydd yn darparu llwybr carlam ar gyfer economi sero net Cymru, gan gynhyrchu dros 16,000 o swyddi newydd, gwyrdd a hyd at £5.5 biliwn o fuddsoddiad newydd.
Mae Pentre Awel yn ddatblygiad arloesol sydd wedi'i leoli ar safle 83 erw yn Llanelli, Sir Gaerfyrddin.
Mae’r adeilad llawn cymeriad hwn sy’n dyddio’n ôl i’r 1830au wedi cael ei adfywio gyda chymorth cyllid gwerth dros £4m gan Lywodraeth Cymru, cyllid Ewropeaidd a chyllid gan Gyngor Sir Caerfyrddin. Mae'r cyfleuster newydd hwn yn cynnig 1.249m2 o ofod swyddfa a busnes, gofod marchnad/neuadd ddigwyddiadau, caffi a chyfleusterau cynadledda.