Stad Ddiwydiannol Beechwood

Mae'r cynnig yn cynnwys pum uned ddiwydiannol ar deras sengl sy’n hynod gynaliadwy. Mae gan bob uned ei hardal waith, swyddfeydd a chyfleusterau staff sy'n cyflawni'r agenda datgarboneiddio ac yn gweithredu ar garbon sero-net. Mae'r teras yn ddigon hyblyg i alluogi meddiant gan amrywiaeth o fusnesau o fewn y dosbarthiadau busnes cymwys. 

Rhennir yr adeilad yn bum uned sy'n galluogi pob un I weithredu'n annibynnol;
• Mae'r prif ardal waith ar y llawr gwaelod, sydd hefyd yn cynnwys man ar gyfer darparu te i staff, toiled hygyrch, swyddfa, cwpwrdd trydan ac ystafell beiriannau. 

Cynigir ardaloedd amwynder ar wahân, fel y gall staff eu defnyddio i wella eu lles;
• Ceir mynediad i’r safle ar gyfer cerbydau a cherddwyr o'r gyffordd bresennol ar yr A40 sy'n arwain i Stad Ddiwydiannol Beechwood. 
• Mae mannau parcio wedi'u neilltuo ar gyfer pob uned, ac mae’r rhain yn fannau safonol, mannau ar gyfer faniau a mannau ar gyfer cerbydau trydan. Nid yw mannau hygyrch wedi'u dyrannu’n benodol ac maent wedi'u dosbarthu'n gyfartal o fewn y safle. 
• Mae mannau ar gyfer beiciau modur, storfa feiciau a man sbwriel cymunedol hefyd wedi'u cynnwys o fewn y Maes Parcio/Man Derbyn.  
• Datblygwyd y cynnig er mwyn galluogi cerbydau nwyddau trwm i droi o fewn y safle a llwytho/ dadlwytho o fewn man dynodedig. 
• Mae egwyddorion draenio cynaliadwy, megis gerddi glaw wedi eu gweithredu’n rhan o’r cynnig, er mwyn hwyluso’r broses o arafu dŵr arwyneb ar y safle.