Mae datblygiad Gogledd Stryd y Farchnad yn Llanelli yn brosiect allweddol arall sydd â'r nod o adfywio canol y dref. Gobeithir cwblhau y gwaith ar y datblygiad hwn erbyn mis Rhagfyr 2025 a bydd yn darparu pum uned fasnachol ar y llawr gwaelod a deg fflat sydd â dwy ystafell wely.
Dechreuodd y gwaith datblygu ym mis Medi 2023, gyda’r cam cychwynnol yn cynnwys gosod seilbyst a gwaith ar y tir. Unwaith y bydd wedi'i gwblhau, bydd Gogledd Stryd y Farchnad yn darparu mannau masnachol modern sydd â chyfarpar da, ag sydd wedi'u dylunio i ddenu amrywiaeth o fusnesau. Bydd yr unedau preswyl uwchben yn cynnig llety o ansawdd uchel, gan gyfrannu at greu defnydd cymysg mewn ardal fywiog, sy'n cefnogi byw a gweithio yng nghanol y dref.
Mae’r prosiect hwn yn pwysleisio ymrwymiad y Cyngor i wella amgylchedd trefol Llanelli, gan ei wneud yn fwy deniadol i drigolion, busnesau ac ymwelwyr. Trwy wella’r defnydd a wneir o eiddo gwag ac eiddo nad ydynt yn cael eu defnyddio’n ddigonol, nod datblygiad Gogledd Stryd y Farchnad yw hybu’r economi leol, creu swyddi a meithrin ymdeimlad o gymuned. Mae'r fenter hon yn rhan hanfodol o'r strategaeth adfywio ehangach, gan sicrhau bod Llanelli yn parhau i fod yn lle deinamig ac apelgar i fyw a gweithio ynddo.
Mae’r telerau mewn perthynas â phrydles ar y safle cyfan yn agored i drafodaeth, ond byddai disgwyl prydlesau atgyweirio ac yswiriant llawn o tua 5 mlynedd ar gyfer yr unedau unigol.
Nod y cynigion uchelgeisiol hyn yw creu canolbwynt o ansawdd uchel yn Llwynhelyg ger Hwlffordd, a fydd yn dod yn gartref i nifer o gynhyrchwyr bwyd.
Gofod swyddfa fasnachol i'w osod. Bydd adeilad sy’n cynnwys swyddfeydd ar dri llawr yn darparu gweithle llawn cymeriad, sydd wedi'i gynllunio i ansawdd uchel ar gyfer diwallu anghenion busnesau bach a chanolig yr 21ain Ganrif mewn economi Dinas. Bydd y gofod swyddfa hwn, y gellir ei rannu’n is-adrannau, yn galluogi busnesau i sefydlu lleoliad allweddol yng nghanol y ddinas. Mae’n cynnwys, technoleg o'r radd flaenaf, platiau llawr mawr sy’n hyblyg, teras to bywiog a dau bod cyfarfod ar y to sydd â golygfeydd panoramig dros ganol y ddinas. Hefyd mae’r dderbynfa foethus ar y llawr gwaelod yn cynnwys seddi cymunedol, cyfleusterau cawod a newid, mannau gwisgo sy’n cynnwys sychwyr a sythwyr gwallt, a storfa feiciau ddiogel ar y safle yng nghefn yr adeilad.
Bydd unedau manwerthu'r llawr gwaelod yn rai y gellir eu haddasu.
Gofod swyddfa a labordy o ansawdd uchel, i'w osod.
Mae Safle Cyflogaeth Strategol Dwyrain Cross Hands yn brosiect trawsnewid sy’n cynnwys sawl llain ddatblygu sydd wedi’u lleoli o fewn un o barthau cyflogaeth mwyaf arwyddocaol y Sir.
Parc busnes sy'n canolbwyntio ar ddiwydiannau sy'n dod i'r amlwg, megis diwydiannau gweithgynhyrchu uwch-dechnoleg a diwydiannau defnydd lefel uchel, ynghyd â diwydiannau defnydd ategol pan y byddant yn gyflenwol. Defnydd B1 a B2.
Mae Trecwn wedi ei leoli tua 3 milltir i'r de o Abergwaun yng Ngogledd Sir Benfro. Roedd y safle yn arfer bod yn storfan ar gyfer Arfau'r Llynges Frenhinol ac mae’n ymestyn dros 1000 o erwau a gellir ei gyrraedd ar hyd ffordd breifat oddi ar yr A40.
