Mae Trecwn wedi ei leoli tua 3 milltir i'r de o Abergwaun yng Ngogledd Sir Benfro. Roedd y safle yn arfer bod yn storfan ar gyfer Arfau'r Llynges Frenhinol ac mae’n ymestyn dros 1000 o erwau a gellir ei gyrraedd ar hyd ffordd breifat oddi ar yr A40. Mae Trecwn yn rhan o Ardal Fenter Dyfrffordd y Ddau Gleddau ac mae iddo gyswllt rheilffordd.
Adeiladwyd Trecwn gan y Weinyddiaeth Amddiffyn ym 1938 ac roedd yn gweithredu fel man cadw ffrwydron ac arfau rhyfel y llynges. Roedd 59 o siambrau storio tanddaearol ac adeiladau helaeth uwchben y ddaear yn Nhrecwn. Roedd yn cynnwys seilwaith ar gyfer tair ystâd dai i weithwyr ac yn amgylchedd diogel. Roedd y brif reilffordd, a gysylltwyd â llinell Abergwaun-Paddington, yn hwyluso trafnidiaeth o fewn y safle.
Wedi iddo gael ei ddadgomisiynu ym 1992, gwerthwyd Trecwn i gonsortiwm Eingl-Wyddelig ym 1998 ac yna i'w berchennog presennol o Lundain yn 2002. Mae'r safle wedi cael ei gynnal a'i gadw'n dda ac mae’n cael ei asesu ar gyfer defnydd diwydiannol, megis cynhyrchu ynni a chyfleoedd yn ymwneud â rheilffyrdd. Mae nifer o hen adeiladau a seilwaith y Weinyddiaeth Amddiffyn yn Nhrecwn ac mae’r rhain yn addas ar gyfer ystod o ddibenion swyddfa, dibenion diwydiannol, warysau a storio.
Mae RDW Services Cyf. yn rheoli’r gwaith cynnal a chadw, ailddatblygu a marchnata yn Nhrecwn.
Defnydd Arfaethedig
Yn ystod y 7 mlynedd diwethaf, mae'r safle wedi'i gynnal i safon uchel er mwyn ei gadw’n addas ar gyfer ei ailddatblygu. Yn ystod y cyfnod hwn, mae llawer iawn o ddiddordeb wedi bod gan lawer o gwmnïau sydd ag amrywiaeth o ofynion.
Er mwyn annog buddsoddiad mewnol, mae'r safle wedi'i gynnwys yn Ardal Fenter Dyfrffordd y Ddau Gleddau ac mae eisoes wedi derbyn ystod eang o ymholiadau, llawer ohonynt yn gysylltiedig â rheilffyrdd.
Mae'r safle'n addas ar gyfer prosiectau sy'n gofyn am gludo defnyddiau/nwyddau/ gwasanaethau i mewn ac allan at ddibenion storio a/neu ddosbarthu ar y ffordd a'r rheilffordd. Am ragor o wybodaeth ewch i: Trecwn Valley | Renewable Development Wales (rdwales.co.uk)
Mae Porthladd Aberdaugleddau yn borth llongau blaenllaw o fewn y DU, gan drin y llwythi canlynol: hylif mewn swmp, defnydd sych mewn swmp, deunydd swmp rhanedig a chargo lifft trwm.
Mae Canolfan Arloesi Bae Baglan wedi'i lleoli ym Mharc Ynni Baglan ym Mhort Talbot. Dyma gyfleuster blaenllaw sydd wedi'i gynllunio i feithrin arloesedd ar draws amrywiol sectorau, gan gynnwys ynni, digidol, gwyddorau bywyd ac ymchwil a datblygu. Mae'r ganolfan fodern hon yn darparu amgylchedd delfrydol ar gyfer ffyniant busnesau uwch-dechnoleg a chynaliadwy.
Mae Safle Cyflogaeth Strategol Dwyrain Cross Hands yn brosiect trawsnewid sy’n cynnwys sawl llain ddatblygu sydd wedi’u lleoli o fewn un o barthau cyflogaeth mwyaf arwyddocaol y Sir.
Nod y cynigion uchelgeisiol hyn yw creu canolbwynt o ansawdd uchel yn Llwynhelyg ger Hwlffordd, a fydd yn dod yn gartref i nifer o gynhyrchwyr bwyd.
Gofod masnachol addas ar gyfer swyddfeydd, ymchwil a datblygu ac ati, yn cael ei ddatblygu ar hyn o bryd.
Gofod swyddfa a labordy o ansawdd uchel, i'w osod.