Mae Maes Awyr Hwlffordd wedi’i leoli ger cefnffordd yr A40, dim ond dwy filltir i’r gogledd o Hwlffordd.
Mae’r maes awyr wedi'i leoli yng nghanol prydferthwch Sir Benfro ac mae'n cynnig teithiau hedfan dros gefn gwlad fryniog odidog ac o amgylch y golygfeydd ysblennydd a geir yn yr unig Barc Cenedlaethol Arfordirol yn y DU.
Mae Maes Awyr Hwlffordd wedi’i drwyddedu gan yr Awdurdod Hedfan Sifil (CAA) ers 1974.
Mae Cyngor Sir Benfro wedi cynnal rhaglen ddatblygu gyson, gan sefydlu’r maes awyr fel cyfleuster o ansawdd uchel i gefnogi busnes a gweithgarwch hedfan cyffredinol.
Cyngor Sir Benfro sy'n berchen ar y maes awyr yn llwyr ac yn ei redeg.
Maes Awyr Hwlffordd sydd â’r potensial datblygu mwyaf o’i gymharu â’r meysydd awyr cyfagos yn y rhanbarth. Mae'r ardal hon o fewn y Sir yn cael ei datblygu'n sylweddol, oherwydd ei hymwneud â'r economi ynni gwyrdd yn y dyfodol, ar sail y Gwynt Arnofiol ar y môr, ynni ffrwd llanw a thonnau a ffrydiau hydrogen.
Maes Awyr Hwlffordd yw un o’r meysydd awyr agosaf at Ewrop yn y DU, ac mae’n cynnig cyfle posibl wrth symud ymlaen yn dilyn ymadawiad y DU â’r Undeb Ewropeaidd. Mae’r maes awyr hefyd yn un o Ardaloedd Menter dynodedig Llywodraeth Cymru, ac felly’n gallu manteisio ar broses gynllunio sydd wedi cael ei symleiddio. Yn hanesyddol, mae wedi bod yn adnodd sydd heb ei ddatblygu’n llawn o fewn y Sir ac mae ei ddatblygiad pellach wedi dod dan sylw unwaith eto yn sgil nifer sylweddol o ymholiadau mewnfuddsoddi yn dilyn y pandemig Covid.
Am ragor o wybodaeth ewch i: Maes Awyr Hwlffordd - Cyngor Sir Benfro
Menter economi werdd arloesol yw CWM Gwyrdd Nant-y-caws sydd yn adeiladu ar gryfderau presennol mewn adfer adnoddau, ynni adnewyddadwy a bioamrywiaeth, tra'n creu lle newydd ar gyfer mentrau carbon isel ac adfer amgylcheddol.
Gofod swyddfa masnachol sy'n addas ar gyfer y sectorau digidol ac uwch-dechnoleg.
Mae’r adeilad YMCA sydd newydd ei ddatblygu wedi’i leoli ar Stryd Stepney, sef stryd boblogaidd yng nghanol tref Llanelli. Mae’r adeilad yn cael ei adfer ar gyfer dibenion economaidd, gyda’r nod o gynyddu nifer yr ymwelwyr o ardal y porth gorllewinol/ardal Gerddi’r Ffynnon i ganol y dref.
Gofod swyddfa fasnachol i'w osod. Bydd adeilad sy’n cynnwys swyddfeydd ar dri llawr yn darparu gweithle llawn cymeriad, sydd wedi'i gynllunio i ansawdd uchel ar gyfer diwallu anghenion busnesau bach a chanolig yr 21ain Ganrif mewn economi Dinas. Bydd y gofod swyddfa hwn, y gellir ei rannu’n is-adrannau, yn galluogi busnesau i sefydlu lleoliad allweddol yng nghanol y ddinas. Mae’n cynnwys, technoleg o'r radd flaenaf, platiau llawr mawr sy’n hyblyg, teras to bywiog a dau bod cyfarfod ar y to sydd â golygfeydd panoramig dros ganol y ddinas. Hefyd mae’r dderbynfa foethus ar y llawr gwaelod yn cynnwys seddi cymunedol, cyfleusterau cawod a newid, mannau gwisgo sy’n cynnwys sychwyr a sythwyr gwallt, a storfa feiciau ddiogel ar y safle yng nghefn yr adeilad.
Bydd unedau manwerthu'r llawr gwaelod yn rai y gellir eu haddasu.
Canolfan Arloesedd y Bont yw’r prif leoliad ar gyfer ysgogi arloesedd mewn busnesau yn Sir Benfro.
Mae menter Ardal Forol Doc Penfro yn brosiect trawsnewidiol i Gymru a gweddill y DU gan greu cyfleoedd clir i ddiwydiant ar arfordir gorllewinol Cymru.