Mae Biome yn brosiect adfywio defnydd cymysg sy’n cynnwys gofod preswyl, masnachol, manwerthu ac arddangos. Fe’i cynlluniwyd gan gofio bod cynaliadwyedd a lles meddianwyr yn greiddiol iddo. Mae’n adeilad bioffilig, gan fod cyfle i gysylltu gweithgareddau â'r mannau tyfu a ddarperir trwy gyfrwng y tai gwydr. Mae llwybr cerdded bioffilig yn arwain at y fynedfa fasnachol. Yn y gofod masnachu ar loriau 1-3, ceir lifft dynodedig a thoiled, a darperir storfa feiciau a chyfleusterau cawod, yn ogystal. Gellir isrannu'r gofod hwn yn ystafelloedd swyddfa llai, er mwyn darparu ar gyfer nifer o denantiaethau. Mae man agored sy’n galluogi i oleuni naturiol dreiddio i mewn ar yr ochr orllewinol. Yn y prif dŷ gwydr, bydd system ddŵr a hydroponeg a gardd gaeaf uchder dwbl, y gellir ei harchebu ar gyfer cyfarfodydd. Bydd cyfleoedd manwerthu a bwyd a diod ar y llawr gwaelod. Bydd y bwyd fydd ar gael yn cynnwys yr hyn a dyfir yn yr adeilad, gan leihau ôl troed carbon. Mae'r adeilad yn cynnwys system wresogi sy’n defnyddio dolen amgylchynol, yn ogystal â rheoli dŵr trwy ddull cynaliadwy. Bydd cysylltedd digidol cyflawn ar gael.
Mae byw'n fioffilig yn fuddiol i iechyd a lles. Bydd gan breswylwyr fynediad i'r fferm drefol gymunedol fydd ar y to a'r cyfleuster ymchwil. Bydd to biosolar a ffotofoltäig integredig yn darparu ynni adnewyddadwy. Cesglir a rheolir dŵr glaw ar gyfer dyfrhau’r mannau gwyrdd.
Mae Canolfan Arloesi Bae Baglan wedi'i lleoli ym Mharc Ynni Baglan ym Mhort Talbot. Dyma gyfleuster blaenllaw sydd wedi'i gynllunio i feithrin arloesedd ar draws amrywiol sectorau, gan gynnwys ynni, digidol, gwyddorau bywyd ac ymchwil a datblygu. Mae'r ganolfan fodern hon yn darparu amgylchedd delfrydol ar gyfer ffyniant busnesau uwch-dechnoleg a chynaliadwy.
Menter economi werdd arloesol yw CWM Gwyrdd Nant-y-caws sydd yn adeiladu ar gryfderau presennol mewn adfer adnoddau, ynni adnewyddadwy a bioamrywiaeth, tra'n creu lle newydd ar gyfer mentrau carbon isel ac adfer amgylcheddol.
Parc busnes sy'n canolbwyntio ar ddiwydiannau sy'n dod i'r amlwg, megis diwydiannau gweithgynhyrchu uwch-dechnoleg a diwydiannau defnydd lefel uchel, ynghyd â diwydiannau defnydd ategol pan y byddant yn gyflenwol. Defnydd B1 a B2.
Gofod masnachol addas ar gyfer swyddfeydd, ymchwil a datblygu ac ati, yn cael ei ddatblygu ar hyn o bryd.
Sefydlwyd Ardal Fenter Dyfrffordd y Ddau Gleddau yn Sir Benfro ar sail safleoedd ynni presennol yr ardal, yn ogystal â’r safleoedd posibl a’r sylfaen diwydiant cysylltiedig sydd yn yr ardal.
Gofod swyddfa fasnachol i'w osod. Bydd adeilad sy’n cynnwys swyddfeydd ar dri llawr yn darparu gweithle llawn cymeriad, sydd wedi'i gynllunio i ansawdd uchel ar gyfer diwallu anghenion busnesau bach a chanolig yr 21ain Ganrif mewn economi Dinas. Bydd y gofod swyddfa hwn, y gellir ei rannu’n is-adrannau, yn galluogi busnesau i sefydlu lleoliad allweddol yng nghanol y ddinas. Mae’n cynnwys, technoleg o'r radd flaenaf, platiau llawr mawr sy’n hyblyg, teras to bywiog a dau bod cyfarfod ar y to sydd â golygfeydd panoramig dros ganol y ddinas. Hefyd mae’r dderbynfa foethus ar y llawr gwaelod yn cynnwys seddi cymunedol, cyfleusterau cawod a newid, mannau gwisgo sy’n cynnwys sychwyr a sythwyr gwallt, a storfa feiciau ddiogel ar y safle yng nghefn yr adeilad.
Bydd unedau manwerthu'r llawr gwaelod yn rai y gellir eu haddasu.