Ein lleoliad
Rydyn ni wedi'n lleoli yn ardal ddeinamig a bywiog De-orllewin Cymru, gan gwmpasu awdurdodau lleol Sir Gaerfyrddin, Castell-nedd Port Talbot, Sir Benfro ac Abertawe. Mae’r rhanbarth hwn wedi’i leoli’n strategol ac mae iddo gysylltedd rhagorol â dinasoedd mawr y DU a marchnadoedd rhyngwladol, o ganlyniad i’w isadeiledd trafnidiaeth cadarn, gan gynnwys cysylltiadau ffyrdd, rheilffyrdd a môr. Mae tirwedd naturiol syfrdanol yn y rhanbarth, yn ymestyn o arfordir prydferth Penrhyn Gŵyr i fryniau tonnog Bannau Brycheiniog, gan ei wneud yn gyrchfan deniadol ar gyfer busnes a hamdden. Gan fod treftadaeth ddiwylliannol gyfoethog, cymuned fusnes ffyniannus ac ymrwymiad i arloesi a thwf cynaliadwy yn yr ardal, mae Dinas-ranbarth Bae Abertawe yn cynnig cyfleoedd heb eu hail ar gyfer mewnfuddsoddi.
Talent a Sgiliau
Talent a SgiliauMae Dinas-ranbarth Bae Abertawe yn gartref i weithlu medrus ac amrywiol iawn a ysgogir gan sylfaen addysgol gref a diwylliant o arloesi. Mae sawl prifysgol a choleg enwog yn y rhanbarth, gan gynnwys Prifysgol Abertawe a Phrifysgol Cymru Y Drindod Dewi Sant, sy'n cynhyrchu llif cyson o raddedigion mewn sectorau allweddol fel peirianneg, gwyddorau bywyd, technoleg ddigidol a'r diwydiannau creadigol. Nodweddion y gweithlu yw ei allu i addasu, ei arbenigedd technegol a'i ysbryd entrepreneuraidd, gan ei wneud yn gymwys iawn i fodloni gofynion busnesau modern. Yn ogystal, cynigir nifer o raglenni hyfforddi a datblygu yn y rhanbarth, gan sicrhau gwelliant parhaus o ran sgiliau a thwf proffesiynol. Gan gynnwys ei ymrwymiad i feithrin talent a chefnogi dysgu gydol oes, mae Dinas-ranbarth Bae Abertawe yn lleoliad delfrydol ar gyfer busnesau sy'n ceisio mantais gystadleuol, gan ei fod hefyd yn darparu gweithlu dawnus a llawn cymhelliant.
Cysylltedd
Mae rhanbarth De-orllewin Cymru yn cynnig cysylltedd eithriadol, sy’n ei wneud yn leoliad delfrydol ar gyfer busnesau sydd am gael mynediad i farchnadoedd cenedlaethol a rhyngwladol. Mae’r rhanbarth yn cael ei wasanaethu’n dda gan rwydwaith trafnidiaeth cynhwysfawr, gan gynnwys ffyrdd mawr fel traffordd yr M4, sy’n darparu cysylltiadau uniongyrchol â Llundain a dinasoedd allweddol eraill y DU. Mae gwasanaethau rheilffordd yn cysylltu’r rhanbarth â phrif ganolfannau ac mae trenau rheolaidd yn teithio i Gaerdydd, Bryste a thu hwnt. Ar gyfer teithio rhyngwladol, mae Maes Awyr Caerdydd o fewn cyrraedd hawdd, gan gynnig teithiau hedfan i nifer o gyrchfannau ar draws Ewrop a thu hwnt. Yn ogystal, mae porthladdoedd y rhanbarth, gan gynnwys Aberdaugleddau, Doc Penfro, Abertawe a Phort Talbot, yn hwyluso masnach forwrol effeithlon. Trwy gyfrwng seilwaith digidol datblygedig, gan gynnwys band eang cyflym sydd ar gael yn gyffredinol a buddsoddiadau parhaus mewn technoleg 5G, mae Rhanbarth De-orllewin Cymru yn sicrhau bod busnesau mewn cyswllt cyson yn yr economi digidol sydd ohoni heddiw. Mae'r cysylltedd cadarn hwn yn cefnogi gweithrediadau di-dor ac yn agor byd o gyfleoedd ar gyfer twf ac ehangu.
Map Cyfleoedd
...