Nod y cynigion uchelgeisiol hyn yw creu canolbwynt o ansawdd uchel yn Llwynhelyg ger Hwlffordd, a fydd yn dod yn gartref i nifer o gynhyrchwyr bwyd.
Nod y buddsoddiad yn y parc bwyd yw creu lleiniau yn barod i'w datblygu ledled y safle 23 erw sydd yn eiddo i’r cyngor.
Mae’r safle wedi'i leoli ar gyrion Hwlffordd ac mae iddo gysylltiadau trafnidiaeth ardderchog ar y ffyrdd a’r rheilffyrdd, ar y môr ac yn yr awyr. Ar hyn o bryd, mae rhan gyntaf y gwaith ar isadeiledd y safle bron wedi'i gwblhau.
Mae Sir Benfro yn enwog am ei chynnyrch o safon uchel a bydd y parc bwyd hwn yn rhoi cyfle i gynhyrchwyr gaffael lleiniau i ddatblygu cyfleusterau cynhyrchu a phrosesu bwyd a fydd yn creu gwerth ychwanegol a swyddi newydd yn y rhanbarth.
Mae gan y datblygiad cyffrous hwn y potensial i ychwanegu gwerth pellach at yr arbenigedd sydd gan gynhyrchwyr yr ardal a darparu cyfleoedd pwysig ar gyfer cyflogaeth a thwf busnes.
Mae Parc Bwyd Sir Benfro yn rhan bwysig o nod hirsefydlog y Cyngor i gefnogi a chryfhau diwydiant bwyd a diod Sir Benfro, trwy gadw mwy o’r gwerth ychwanegol a ddaw o gynhyrchu’n lleol.
Mae'r prosiect yn fenter ar y cyd rhwng y Cyngor a Llywodraeth Cymru.
Mae Cyngor Sir Penfro hefyd wedi derbyn £1 miliwn o Gyllid Datblygu Rhanbarthol Ewropeaidd drwy Lywodraeth Cymru, ar gyfer cyflawni cam cyntaf y gwaith ar yr isadeiledd yn y parc bwyd. Dolen at Daflen wybodaeth ar ffurf PDF
Am ragor o wybodaeth ewch i: Parc Bwyd Sir Benfro, Llwynhelyg, Hwlffordd - Cyngor Sir Penfro
Mae Safle Cyflogaeth Strategol Dwyrain Cross Hands yn brosiect trawsnewid sy’n cynnwys sawl llain ddatblygu sydd wedi’u lleoli o fewn un o barthau cyflogaeth mwyaf arwyddocaol y Sir.
Mae’r Porthladd Rhydd Celtaidd ar agor i fusnes a bydd yn darparu llwybr carlam ar gyfer economi sero net Cymru, gan gynhyrchu dros 16,000 o swyddi newydd, gwyrdd a hyd at £5.5 biliwn o fuddsoddiad newydd.
Mae Pentre Awel yn ddatblygiad arloesol sydd wedi'i leoli ar safle 83 erw yn Llanelli, Sir Gaerfyrddin.
Mae menter Ardal Forol Doc Penfro yn brosiect trawsnewidiol i Gymru a gweddill y DU gan greu cyfleoedd clir i ddiwydiant ar arfordir gorllewinol Cymru.
Mae gan bob llain fynediad at garthffosydd dŵr budr a dŵr arwyneb, mae trydan a dŵr o’r prif gyflenwad ar gael ar ffin pob llain neu’n agos at y ffin.
Mae’r safleoedd ar gael ar wahân, er y gellir ystyried gwerthu dau blot gyda’i gilydd.
Hwb Cymunedol Aml-bwrpas