Mae'r Llywodraeth wedi gosod uchelgais i ddarparu hyd at 5GW o wynt arnofiol erbyn 2030, a rhagwelir y bydd ehangu cyflym wedi hynny.
Mae Ystad y Goron wedi ymrwymo i helpu’r DU i gyflawni ei huchelgeisiau sero net. I gefnogi hyn, maent yn darparu cyfle prydlesu newydd yn y Môr Celtaidd ar gyfer y genhedlaeth gyntaf o ffermydd gwynt arnofiol ar y môr, ar raddfa fasnachol, gan ddatgloi hyd at 4GW o gapasiti ynni glân newydd erbyn 2035. Bydd hyn yn rhoi hwb i ddiwydiant yn y rhanbarth ac yn darparu pŵer ar gyfer bron i bedair miliwn o gartrefi.
Bydd Ystad y Goron yn gwahodd prosiectau ar raddfa fasnachol lawn hyd at 1GW, y gellir eu datblygu’n raddol neu trwy ddull ‘cerrig camu’. Gan gydnabod yr angen i ddatblygu cadwyn gyflenwi’r DU a’i seilwaith ategol ar gyfer y dechnoleg eginol hon, bwriad y dull hwn yw darparu cyfleoedd ar gyfer twf a buddsoddiad. Bydd hyn hefyd yn hwyluso cydgysylltu’r seilwaith angenrheidiol, megis porthladdoedd a chysylltiadau grid, ac mae hyn i gyd yn allweddol i ddatblygiad cynaliadwy y sector gwynt arnofiol yn y DU yn yr hirdymor.
Bydd y cyfle prydlesu hwn yn darparu’r sylfaen ar gyfer mwy o gapasiti yn y dyfodol ac yn helpu i sefydlu sector diwydiannol newydd a chyffrous ar gyfer y DU, gan greu cyfleoedd ar gyfer buddsoddiad newydd sylweddol mewn swyddi, sgiliau a seilwaith ar gyfer y cymunedau ar y tir.
Rhoddodd Llywodraeth Cymru ganiatâd i fferm wynt arnofiol gyntaf Cymru ym mis Mawrth 2023. Lleolir y fferm wynt 40km oddi ar arfordir Sir Benfro. Mae’r prosiect yn rhan o symud oddi wrth system ynni sy’n dibynnu ar danwydd ffosil drud a bydd yn cyfrannu at dargedau ynni Llywodraeth Cymru a gwella ein sicrwydd ynni.
Dywedodd y Prif Weinidog Mark Drakeford:
Rydym yn uchelgeisiol ar gyfer y sector ynni gwynt ar y môr yng Nghymru. Credwn fod ganddo’r potensial i ddarparu ffynonellau ynni cynaliadwy yn y dyfodol ac mae hefyd yn gyfle unwaith mewn cenhedlaeth i agor marchnadoedd newydd i gyflenwyr lleol a chreu miloedd o swyddi o ansawdd uchel yng Nghymru.
Mae rhagor o wybodaeth am y cyfle prydlesu ar gael drwy fynd i wefan Ystadau’r Goron: Floating offshore wind | Floating offshore wind (thecrownestate.co.uk)
Hefyd, gellir e-bostio Cyngor Sir Benfro yn: BusinessSupport@Pembrokeshire.gov.uk
Mae’r adeilad llawn cymeriad hwn sy’n dyddio’n ôl i’r 1830au wedi cael ei adfywio gyda chymorth cyllid gwerth dros £4m gan Lywodraeth Cymru, cyllid Ewropeaidd a chyllid gan Gyngor Sir Caerfyrddin. Mae'r cyfleuster newydd hwn yn cynnig 1.249m2 o ofod swyddfa a busnes, gofod marchnad/neuadd ddigwyddiadau, caffi a chyfleusterau cynadledda.
Gofod swyddfa masnachol sy'n addas ar gyfer y sectorau digidol ac uwch-dechnoleg.
Nod y cynigion uchelgeisiol hyn yw creu canolbwynt o ansawdd uchel yn Llwynhelyg ger Hwlffordd, a fydd yn dod yn gartref i nifer o gynhyrchwyr bwyd.
Canolfan Arloesedd y Bont yw’r prif leoliad ar gyfer ysgogi arloesedd mewn busnesau yn Sir Benfro.
Mae’r adeilad YMCA sydd newydd ei ddatblygu wedi’i leoli ar Stryd Stepney, sef stryd boblogaidd yng nghanol tref Llanelli. Mae’r adeilad yn cael ei adfer ar gyfer dibenion economaidd, gyda’r nod o gynyddu nifer yr ymwelwyr o ardal y porth gorllewinol/ardal Gerddi’r Ffynnon i ganol y dref.
Gofod swyddfa fasnachol i'w osod. Bydd adeilad sy’n cynnwys swyddfeydd ar dri llawr yn darparu gweithle llawn cymeriad, sydd wedi'i gynllunio i ansawdd uchel ar gyfer diwallu anghenion busnesau bach a chanolig yr 21ain Ganrif mewn economi Dinas. Bydd y gofod swyddfa hwn, y gellir ei rannu’n is-adrannau, yn galluogi busnesau i sefydlu lleoliad allweddol yng nghanol y ddinas. Mae’n cynnwys, technoleg o'r radd flaenaf, platiau llawr mawr sy’n hyblyg, teras to bywiog a dau bod cyfarfod ar y to sydd â golygfeydd panoramig dros ganol y ddinas. Hefyd mae’r dderbynfa foethus ar y llawr gwaelod yn cynnwys seddi cymunedol, cyfleusterau cawod a newid, mannau gwisgo sy’n cynnwys sychwyr a sythwyr gwallt, a storfa feiciau ddiogel ar y safle yng nghefn yr adeilad.
Bydd unedau manwerthu'r llawr gwaelod yn rai y gellir eu haddasu.